«Kun.uz» веб-сайти муҳаррири ва махсус мухбири Шуҳрат Шокиржонов танловнинг интернет нашрлари йўналиши бўйича 2-ўринни эгаллади.
14 май куни «Ўзбекистон» халқаро анжуманлар саройида «Олтин қалам» XVIII Миллий мукофоти учун халқаро танлов ғолиб ва совриндорларини тантанали тақдирлаш маросими бўлиб ўтди.
«Kun.uz» веб-сайти муҳаррири ва махсус мухбири Шуҳрат Шокиржонов танловнинг интернет нашрлари йўналиши бўйича 2-ўринни эгаллади.
Барча номинациялар, ғолиблар ва совриндорлар қуйидагича:
«Хитой ҳақидаги энг яхши репортаж учун» номинацияси ғолиби – Хитойнинг «CGTN Русский» ва Озарбайжоннинг «CBC» телеканалларининг Ўзбекистондаги махсус мухбири Барчиной Жураева.
«Ўзбекистон ва Хитой ўртасидаги ҳамкорлик ёритилган энг яхши контент учун» номинацияси ғолиби – «Ўзбекистон» журнали бош муҳаррири Асадбек Бобожанов.
«Ўзбекистон ва Туркия ўртасидаги муносабатларнинг янада кенгайишини таъминлашга бағишланган энг яхши материал учун» номинацияси ғолиби – Ўзбекистон Миллий ахборот агентлиги етакчи муҳаррири Беҳруз Худойбердиев.
«Ёшлар ҳаёти ва фаолиятига бағишланган энг яхши материаллар учун» номинацияси ғолиби — «Ёшлар овози» газетаси таҳририяти ижодий жамоаси (газета бош муҳаррири Ҳамза Абдуллаев).
«Маънавиятни юксалтириш, ватанпарварлик туйғулари тарғиб этилган энг яхши материаллар учун» номинацияси ғолиби — Қашқадарё вилояти телерадиокомпанияси телевидение гуруҳи иккинчи даражали муҳаррири Шоҳсанам Комилова.
«Ижтимоий-иқтисодий ислоҳотлар энг яхши ёритилган материаллар учун» номинацияси ғолиби — «Янги Ўзбекистон» газетаси мухбири Гулчеҳра Дурдиева.
«Давлат тилини ривожлантиришга бағишланган энг яхши таҳлилий материаллар учун» номинацияси ғолиби - ЎзФА Ўзбек тили, адабиёти ва фольклори институти директори, филология фанлари доктори, профессор Низомиддин Маҳмудов.
«Миллий урф-одат ва анъаналаримиз акс этган энг яхши материаллар учун» номинацияси ғолиби - «Жиззах овози» газетаси таҳририяти жамоаси (газета бош муҳаррири Саид Донишев).
«Оила ва маҳалла мавзуси энг яхши ёритилган материаллар учун» номинацияси ғолиби — «Ҳуррият» газетасининг Сурхондарё вилояти бўйича мухбири Сафар Омонқулов.
«Ҳарбий-ватанпарварлик мавзуси энг яхши ёритилган материаллар учун» номинацияси ғолиби — «Ishonch» ва «Ishonch-Доверие» газеталари мухбири Оксана Кадишева.
«Ватанимиз тарихига бағишланган энг яхши кўрсатувлар учун» номинацияси ғолиби — «Ўзбекистон тарихи» телеканали катта муҳаррири Дилбар Қосимова.
«Инсон ҳуқуқлари ва ижтимоий ҳаётимиз билан боғлиқ долзарб мавзулардаги материаллар учун» номинацияси ғолиби — «Демократлаштириш ва инсон ҳуқуқлари» журнали таҳририяти ижодий жамоаси (журнал бош муҳаррири Эркин Эрназаров).
«Энг яхши фоторепортаж учун» номинацияси ғолиби — Ахборот ва оммавий коммуникациялар агентлиги медиа маркази бош мутахассиси Муҳиддин Алимбаев.
«Публицистик жанрдаги энг яхши китоб учун» номинацияси ғолиби — Муаллифлар жамоаси (Ойбек Султонов).
«Энг фаол теле ва радио бошловчи» номинацияси ғолиби — «Ўзбекистон» телерадиоканали катта муҳаррири Сурайё Мансурова.
Танловнинг босма нашрлар йўналиши бўйича ғолиблари:
1-ўрин — «Жадид» газетаси бўлим мудири Шойим Бўтаев
2-ўрин — «Народное слово» газетаси масъул котиби Нурлан Усмонов.
3-ўрин — «XXI аср» ижтимоий-сиёсий газетаси бош муҳаррири Норқобил Жалилов.
Танловнинг интернет нашрлари йўналиши бўйича ғолиблари:
1-ўрин — Ўзбекистон Миллий ахборот агентлиги марказ бошлиғи ўринбосари Икром Аввалбоев.
2-ўрин — «Kun.uz» веб-сайти муҳаррири ва махсус мухбири Шуҳрат Шокиржонов.
3-ўрин — «Дунё» АА таҳририяти хизмат бошлиғи Наргис Саидалиева.
Танловнинг радио йўналиши бўйича ғолиблари:
1-ўрин — «Mahalla» радиоканали «Маънавий-маърифий, кўнгилочар ва мусиқий дастурлар» муҳарририятининг бўлим мудири Умида Ғаффорова.
2-ўрин — «Қорақалпоғистон» радиоканали «Жамият-сиёсий ва ижтимоий-иқтисодий дастурлари» бош муҳарририяти муҳаррири Қундуз Жумағалиева.
3-ўрин — «Ўзбекистон 24» телерадиоканали катта муҳаррири Шоира Умрзоқова.
Танловнинг телевидение йўналиши бўйича ғолиблари:
1-ўрин — «Севимли» телеканалининг «Замон» информацион дастури мухбири Элёр Гўрўғлиев.
2-ўрин — «Ўзархив» агентлиги матбуот котиби, «Архивариус» кўрсатуви муаллифи ва бошловчиси Анваржон Алиев.
3-ўрин — «Renessans TV» телеканали бош муҳаррири Жасур Раҳмон.
Танловнинг «Чет эллик журналистнинг Ўзбекистон ҳақидаги энг яхши материали учун» номинацияси ғолиблари:
1-ўрин — Тожикистон маориф вазирлигининг Ўзбек тили ҳайъати раҳбари, Тожикистонда ўзбек тилида чоп этиладиган «Устоз», «Ўқувчилар», «Сирдош» газеталари ва «Кичкинтой» журнали раҳбари Сулаймон Эрматов.
2-ўрин — «ТАСС» ахборот агентлигининг Ўзбекистондаги мухбири Валерий Бирюков (Россия Федерацияси).
2-ўрин — «The Economic Times» газетасининг дипломатик муҳаррири Дипанжан Рой Чаудҳури (Ҳиндистон).
2-ўрин — «The Hill» газетасининг жамоатчи мухбири Жеймс Дурсо (АҚШ).
2-ўрин — «Euronews» телеканали мухбири Галина Полонская (Франция).
Ўзбекистон Журналистлар уюшмасининг қўшимча рағбатлантирувчи номинациялари ғолиблари:
— Халқаро пресс-клуб мухбири Умид Пирбоев.
— Тошкент вилояти Ички ишлар бош бошқармаси Ахборот хизмати (Ахборот хизмати бошлиғи Бобур Туляганов).
Журналистика соҳасида «Олтин қалам» XVIII Миллий мукофоти учун халқаро танловнинг Бош миллий мукофоти ғолиби:
— «UzReport TV» телеканали жамоаси (телеканал директори Равшан Жўраев).
