Х микроблоглар сервиси интернетдаги пропискасини ўзгартирди
Илон Маск сотиб олган ижтимоий тармоқ номини Х’га ўзгартиргандан сўнг деярли бир йил давомида twitter.com манзилида жойлашган эди.
![](https://storage.kun.uz/source/10/QEtt6rbD_W8GfCrTQb-N2YAHv1NCTytx.jpg)
Фото: Picture Alliance
Х микроблоглар хизмати деярли 20 йилдан бери фойдаланиб келаётган twitter домени билан хайрлашди. 17 май, жума куни X Corp директорлар кенгаши раиси, америкалик тадбиркор Илон Маск: «Энди барча асосий тизимлар x.com’да жойлашган», деб ёзди. Эски ҳаволаларни босишга уринаётганда, фойдаланувчилар автоматик равишда янги домен номига йўналтирилади.
АҚШда ишлаб чиқилган Twitter 2006 йилнинг июл ойида ишга туширилган ва фойдаланувчиларга 140 белгидан ортиқ бўлмаган хабарлар алмашиш имконини берган. 2022 йил октябр ойида Маск платформани 44 миллиард долларга сотиб олди. Тадбиркорнинг ўзи харидни сўз эркинлигини ҳимоя қилиш ва цензурани рад этиш истаги билан изоҳлади. 2023 йил июл ойида ижтимоий тармоқ номи ва логотипини ўзгартирди.
Twitter’ни сотиб олгач, Маск платформага ўзгартиришлар киритишни бошлади. Хусусан, фойдаланувчининг ҳақиқийлигини тасдиқловчи кўк белгини фақат пулга олиш ҳуқуқи жорий этилди. Бундан ташқари, фойдаланувчилар ўқиши мумкин бўлган постлар сонига вақтинчалик чекловлар жорий этилди. Маск танқидчилари фикрича, мулкдорлар алмашганидан кейинги биринчи йил давомида ижтимоий тармоқ тажовузкор риторика ва нотўғри маълумотлар тўлқини билан тўлиб-тошган.
Мавзуга оид
![](https://storage.kun.uz/source/thumbnails/_medium/10/2vLDUFZ1Jus-kO_0gL7Wab81rJnNnCVj_medium.jpg)
21:51 / 05.09.2024
Tesla 2025 йилда Хитой ва Европа бозорларига «автопилот» тизимини олиб кирмоқчи
![](https://storage.kun.uz/source/thumbnails/_medium/10/ePz_X8VRCfouCQUM1fvjDR24BRZewH9y_medium.jpg)
22:32 / 02.09.2024
Бразилияда VPN орқали Х ижтимоий тармоғига кирганлар 9 минг доллар жаримага тортилади
![](https://storage.kun.uz/source/thumbnails/_medium/10/zNHL97ATcZquTpeDBESgAumjRdMDkDOz_medium.jpg)
22:57 / 29.08.2024
Бразилия Х ижтимоий тармоғини блоклаш билан таҳдид қилди
![](https://storage.kun.uz/source/thumbnails/_medium/10/nkYiKuTEmPQqsyiCQ3iFVY2MTm0DCE6E_medium.jpg)
08:39 / 26.08.2024