Ўзбекистон ташқи ишлар вазири АҚШ давлат котиби ўринбосари билан учрашди

Ўзбекистон ва АҚШ ўртасидаги яқин ҳамкорликни барча соҳаларда бойитишга келишиб олинди.

Фото: "Дунё" АА / Анвар Илёсов

Ўзбекистон ташқи ишлар вазири Бахтиёр Саидов ТИВда АҚШ давлат котиби ўринбосари Узра Зея билан учрашди.

"Вазирликда АҚШ давлат котиби ўринбосари Узра Зея хоним билан учрашдик", – деб ёзди Ўзбекистон ТИВ раҳбари ўзининг Telegram-каналида.

Икки томонлама кун тартибидаги қатор долзарб масалалар муҳокама қилинди.

Ўзбекистон ва АҚШ ўртасидаги яқин ҳамкорликни барча соҳаларда бойитиш, айниқса, халқ учун энг қулай шарт-шароитлар яратишга қаратилган саъй-ҳаракатларни давом эттиришга келишиб олинди.