Қурбон ҳайити муносабати билан қўшимча поезд қатновлари йўлга қўйилади

Қурбон ҳайити байрами муносабати билан қўшимча маҳаллий поезд қатновлари йўлга қўйилади.

Транспорт вазирлиги хабарига кўра, 15, 16, 17 июн кунлари Самарқанд — Тошкент — Самарқанд йўналишида «Афросиёб» электропоездининг қўшимча ҳаракати йўлга қўйилди. 

Поезд қуйидаги жадвал асосида ҳаракатланади:

775-сонли Самарқанд — Тошкент йўналиши: Самарқанд 11:11 — Тошкент 13:26;
776-сонли Тошкент — Самарқанд йўналиши: Тошкент 13:51 — Самарқанд 16:05.

14 июндан 20 июнга қадар қуйидаги йўналишларда 4 тадан 6 тагача қўшимча вагонлар уланиб, поездлар таркибидаги вагонлар сони 16 тадан 22 тагача оширилади:

• Тошкент — Хива — Тошкент;
• Тошкент — Қўнғирот — Тошкент;
• Тошкент — Шовот — Тошкент;
• Тошкент — Термиз — Тошкент.