Тошкентдан парвоз қилган Airbus A320 самолёти Зомин аэропортига муваффақиятли қўнди.
Фото: Видеодан кадр
Uzbekistan Airways авиакомпанияси Airbus A320 самолётида Жиззах вилоятининг Зомин аэропортига синов парвозини амалга оширди.
Парвоз аэропортнинг ўрта магистрал самолётларни қабул қилиш имкониятини текширишга қаратилган.
22 июн куни Тошкентдан парвоз қилган самолёт Зомин аэропортига муваффақиятли қўнди.
Зомин аэропорти 2023 йилда фойдаланишга топширилган ва шу вақтгача Let L-410 русумидаги кичик ҳаво кемаларини қабул қилиб келаётган эди.
Транспорт вазирлиги хабарига кўра, тез орада аэропортга ўрта магистрал самолётлар мунтазам парвоз қилишни бошлайди.
