Тошкентда Spark ҳайдовчиси икки пиёдани уриб юборди

ЙТҲ оқибатида пиёдалар тан жароҳат олиб, шифохонага мурожаат қилишган.

Фото: Видеодан кадр

Тошкент шаҳрининг Юнусобод туманида Spark машинаси пиёдаларни уриб юборди. Бу ҳақда Тошкент шаҳар ИИББ ЙҲХБ ахборот хизмати маълумот берди.

Қайд этилишича, ЙТҲ 4 июл куни соат 22:30ларда Юнусобод тумани Юқори Қорақамиш кўчасида содир бўлган. 1995 йилда туғилган ҳайдовчи Б.Х. Spark машинасини бошқариб кетаётиб, икки пиёдани уриб юборган.

ЙТҲ оқибатида пиёдалар тан жароҳат олиб, шифохонага мурожаат қилишган.

Ҳолат юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилаётгани ҳамда қўшимча маълумот берилиши маълум қилинди.

Аввалроқ Тошкентда юк машинаси боғча боласини уриб юборган ва бунинг оқибатида 3 ёшли бола олган тан жароҳатлари сабаб вафот этганди.

#Тошкент #ЙТҲ