7 млрд сўмлик газдан ноқонуний фойдаланиб келган МЧЖ аниқланди

“Ўзэнергоинспекция” хабарига кўра, инспекция Фарғона вилояти ҳудудий бошқармаси, ИИБ ва Бош прокуратура ҳузуридаги департаментнинг вилоят бошқармаси ҳамда газ таъминоти корхонаси ҳамкорлигида ўтказилган назорат тадбирида Марғилон шаҳрида фаолият юритаётган “Ш.И.Д.” МЧЖнинг қурилмалари газ ҳисоблагичдан ташқари, тўғридан тўғри табиий газ тармоғига ноқонуний улангани аниқланди.

Ушбу қоидабузарлик ҳолати бўйича далолатнома расмийлаштирилиб, дастлабки ҳисоб-китобларга кўра, давлат манфаатларига 7 миллиард 143 миллион сўм зарар етказилгани маълум бўлди.

Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.