Украина F-16 тақдим этилиши бўйича изоҳ беришдан бош тортди
Украина президенти девони раҳбари маслаҳатчиси бу масала бўйича изоҳ бермасликларини айтди, чунки бу улар учун омон қолиш омилидир.
Украина президенти девони раҳбари маслаҳатчиси Михаил Подоляк F-16 ғарб қирувчиларининг биринчи партияси олинган ёки олинмагани ҳақидаги маълумотга изоҳ бермаслигини айтди.
«Бу аниқ, биз ҳеч қандай изоҳ бермаймиз, чунки бу биз учун омон қолиш омили», деди Подоляк телемарафонда эфирида.
Унинг таъкидлашича, ғарб ҳамкорларидан F-16 тақдим этилиши бўйича расмий баёнотлар йўқ.
Айни вақтда Литва ташқи ишлар вазири Габриелюс Ландсбергис ғарб иттифоқчилари аллақачон F-16 қирувчиларининг биринчи партиясини Украинага жўнатганини айтди.
«F-16 Украинада. Яна бир имконсиз нарса мутлақо мумкин бўлиб чиқди», — деб ёзди у 31 июл куни X ижтимоий тармоғида.
Мавзуга оид
13:26
«Бу иш бермайди» — Олаф Шолц Украинада тинчликка эришиш йўллари ҳақида баёнот берди
11:40
Германия Украина ҳарбийларининг даволаниши учун яна 50 млн евро ажратади
20:06 / 18.09.2024
Дронлар Твер областига ҳужум қилди. У ерда ракета арсенали жойлашган
12:40 / 18.09.2024