Байден БМТда: Биз Украинани қўллаб-қувватлашни рад эта олмаймиз

АҚШ президенти БМТ Бош ассамблеяси олдида сўнгги бор сўзлаган нутқида Украинага Путинни мағлуб этиш, шунингдек, Яқин Шарқда тинчликка эришиш учун ёрдам беришга чақирди. Бундан ташқари, у яқинлашиб келаётган технологик ўзгаришларни эълон қилди.

Фото: Mike Segar / Reuters

АҚШ Украинанинг сиёсий келажаги ноаниқ бўлгани учун уни қўллаб-қувватлашдан бош торта олмайди, деди АҚШ президенти Жо Байден Ню-Йоркда БМТ Бош ассамблеясининг 79-сессияси олдида сўзлаган нутқида. Россия президенти Владимир Путин томонидан кенг миқёсли уруш бошланганидан бери АҚШнинг НАТО иттифоқчилари ва ҳамкорлари, шунингдек, 50 дан ортиқ бошқа давлатлар Россияга қарши чиқди, деди у 24 сентябр, сешанба куни.

«Путин уруши муваффақиятсизликка учради»

«Яхши хабар шундаки, Путиннинг уруши муваффақиятсизликка учради ва унинг асосий мақсади ҳам амалга ошмади, — дея таъкидлади Байден. — У Украинани йўқ қилишни мақсад қилган, аммо Украина ҳали ҳам эркин, НАТО олдингидан ҳам каттароқ, кучлироқ ва бирлашган».

Байден Украина Россияга қарши урушда ғалаба қозонмагунча уни қўллаб-қувватлашга ваъда берди. У Украина ва дунёнинг бошқа мамлакатларига ёрдамни жиддий равишда қисқартириши мумкин бўлган республикачи Доналд Трампнинг Оқ уйга қайтиши эҳтимолини тилга олиб, Москва билан кейинги қарама-қаршиликда таслим бўлмасликка чақирди.