Қўшимча функционаллар
-
Тунги кўриниш
«Газпром» Россияда энг зарар кўрган компаниялар рўйхатини бошқаряпти
2023 йил охирида «Газпром» биринчи марта Россиянинг энг норентабел компаниялари рейтингига киритилди. Ундан бир йил олдин у мамлакатнинг энг даромадли фирмалари орасида биринчи ўринни эгаллаган эди.
Фото: Павел Львов / РИА Новости
Ўтган йил якунларига кўра, «Газпром» ҳолдинги биринчи марта Forbes журналининг Россиядаги норентабел компаниялар рейтингига киритилди. Шу билан бирга, мамлакатдаги энг норентабел компаниялар орасида у 583,1 миллиард рубл миқдоридаги рекорд даражадаги соф зарар билан биринчи ўринни эгаллади, деб хабар берди нашр 2 октябр, чоршанба куни кечқурун.
«Газпром» 25 йил ичида биринчи марта зарар кўрди. Шу билан бирга, Россиянинг Forbes нашри таъкидлашича, бу ҳолатда молиявий йўқотишлар кўпроқ «бухгалтерия ҳисоби» хусусиятига эга, чунки улар 1,15 триллион рубл миқдоридаги номолиявий активларнинг қадрсизланишидан йўқотишлар ва валюта курсларидаги 652 миллиард рубллик фарқлардан йўқотишларга тааллуқли.
«Газпром» Россиянинг сердаромад компаниялари рўйхатидан тушиб кетди
«Роснефт» давлат нефт компанияси Forbes томонидан тузилган Россиянинг энг сердаромад компаниялари рейтингида биринчи ўринни эгаллади. Рўйхатда жами 100 та компания бор.
2023 йил охирида «Роснефт» 1,528 триллион рубл соф фойда олди. Бир йил аввал компания 813 млрд рубл билан рейтингда учинчи ўринни эгаллаган эди.
Ўтган йилги етакчи «Газпром» 2023 йил охирида рекорд даражадаги 583 миллиард рубл зарар билан рўйхатдан чиқиб кетди.
Мавзуга оид
15:09 / 09.04.2025
Қорақалпоғистондаги “Шохпахта” газ кони бўйича “Газпром” билан битим якунига етди
08:38 / 05.04.2025
Жиноят содир этиб, қочиб юрган ўзбекистонлик Россияда ушланди
08:28 / 05.04.2025
Европа ва Канада Путиндан АҚШ таклифига дарҳол жавоб беришни талаб қилмоқда
08:14 / 05.04.2025