Дориларнинг постмаркетинг назорати ўтказилади

Низом қуйидагиларни назарда тутади:

• маркетингдан кейинги назоратни амалга оширувчи ваколатли орган ва ишчи органнинг вазифалари;
• маркетингдан кейинги назоратни амалга ошириш тартиби ва муддатлари;
• постмарткетинг  назоратини амалга оширишнинг молиявий назорати.

 
Постмаркетинг назорати ваколатли орган (Соғлиқни сақлаш вазирлиги ҳузуридаги "Фармацевтика маҳсулотлари хавфсизлиги маркази" ДМ) томонидан хўжалик юритувчи субъектларнинг молия-хўжалик фаолиятига аралашмаган ҳолда амалга оширилади.

Маркетингдан кейинги назорат учун қуйидагилар асос бўлади:

• ваколатли орган раҳбари томонидан ҳар ойда тасдиқланадиган маркетингдан кейинги назорат режаси;
• жисмоний ва юридик шахслардан, шу жумладан давлат органлари ва ташкилотларидан фармацевтика маҳсулотларининг сифати, хавфсизлиги, ноқонуний айланиши, ножўя таъсирлари бўйича маълумотлар ва мурожаатлар келиб тушиши;
• ахборот-коммуникация технологияларидан фойдаланган ҳолда ОАВ ахбороти ва жамоатчилик фикрини ўрганиш натижалари.