Тошкент шаҳрининг Мирзо Улуғбек туманидаги кўча 2 ойга ёпилади

«Ўзбекистон овози» кўчасида таъмирлаш ишлари олиб борилади.

Фото: Мирзо Улуғбек тумани ҳокимлиги

Тошкент шаҳрининг Мирзо Улуғбек туманидаги «Ўзбекистон овози» кўчаси транспорт воситалари учун вақтинча ёпилади. Бу ҳақда туман ҳокимлиги хабар берди.

Қайд қилинишича, кўчанинг инфратузилмаси ўзгартирилади, аҳолига, йўловчиларга ва шаҳарсозлик нормаларига мос тушадиган масканга айлантирилади.

Шу сабабдан 18 октябрдан 20 декабргача «Ўзбекистон овози» кўчасининг Шаҳрисабз кўчаси билан кесишмасидан, «Ўзбекистон овози» кўчасининг Истиқлол кўчасига қадар қисми вақтинча ёпилади.