Сенат раиси ЕХҲТ ДИИҲБ миссияси раҳбари билан учрашди

Халқаро стандартлар асосида қонунлар қабул қилинаётгани ва изчиллик билан амалга оширилаётгани юқори баҳоланиб, мазкур йўналишдаги таклиф ва тавсиялар муҳокама қилинди.

Фото: Сенат ахборот хизмати

Сенат раиси Танзила Норбоева ЕХҲТ Демократик институтлар ва инсон ҳуқуқлари бўйича бюроси миссияси раҳбари Дуглас Уэйк бошчилигидаги делегация билан учрашув ўтказди.

Суҳбат аввалида мамлакат қонунчилигида амалга оширилаётган ислоҳотларга урғу берилиб, унда инсон ҳуқуқларини таъминлаш тамойили бош мезон сифатида белгилаб олингани эътироф этилди.

Сиёсий жараёнларда хотин-қизларнинг фаоллиги ошгани ҳамда имконияти чекланган шахсларнинг манфаатларини ҳимоя қилувчи ҳуқуқий меъёрлар жорий этилгани қайд этилди.