Туркия ҲҲК Ироқ шимолидаги 34 та объектни йўқ қилди
Туркия ҳарбий-ҳаво кучлари Ҳакурк, Гара, Қандил ва Синжар ҳудудларида кўп сонли жангчиларни йўқ қилишга муваффақ бўлди.
Туркия Мудофаа вазирлиги 24 октябр куни маҳаллий вақт билан соат 23:30 да Ироқ шимолидаги КИП ва бошқа гуруҳлар нишонларига ҳаводан зарбалар берилганини маълум қилди. Операциядан мақсад жангчиларни зарарсизлантириш, тинч аҳоли ва хавфсизлик кучларига қарши терактларнинг олдини олиш эди, дея таъкидлайди идора.
Баёнотда айтилишича, операция натижасида ғорлар, бошпаналар, омборлар ва жангчилар томонидан фойдаланилган бошқа объектлардан иборат 34 та нишон йўқ қилинган.
Қайд этилишича, операция давомида асосан маҳаллий қуроллардан фойдаланилган. Туркия ҳарбий-ҳаво кучлари Ҳакурк, Гара, Қандил ва Синжар ҳудудларида кўп сонли жангчиларни йўқ қилишга ҳам муваффақ бўлди.
«Турк қуролли кучлари, аввалгидек, террорга барҳам берилмагунча, қатъият ва фидойилик билан унга қарши курашни давом эттиради. Ушбу операция давомида тинч аҳолига, дўстона кучларга, тарихий-маданий бойликларга, атроф-муҳитга зарар етказмаслик учун барча чоралар кўрилди», — дейилади хабарда.
Мавзуга оид
15:10
Анқара: Минтақавий тинчлик йўлидаги асосий тўсиқ Нетаняҳу ва унинг ҳарбий кабинетидир
22:10 / 25.10.2024
Туркия пойтахтида теракт уюштирганларнинг шахси аниқланди
14:30 / 25.10.2024
TUSAŞ бош директори: Туркия мудофаа саноати ривожига ҳеч қандай ҳужум тўсқинлик қилолмайди
21:06 / 24.10.2024