Қўшимча функционаллар
-
Тунги кўриниш
Америкалик мусулмонларнинг ярмидан кўпи Жилл Стайнга овоз берди
Қўшма Штатлар бўйлаб сайлов участкаларига келган мусулмон америкалик сайловчиларнинг 53 фоизи Стайнга овоз берди.
Фото: picture-alliance
АҚШ президентлик сайловлари бўйича яқинда ўтказилган тадқиқот шуни кўрсатдики, америкалик мусулмонларнинг ярмидан кўпи Ғазо секторидаги сиёсатига норозилик билдирган ҳолда демократ номзод Камала Ҳаррисга эмас, балки Яшиллар партияси номзоди Жилл Стайнга овоз берган.
АҚШдаги энг йирик мусулмон ҳуқуқлари ташкилоти Америка-Ислом муносабатлари кенгаши (CAIR) 5 ноябр куни бўлиб ўтган президентлик сайловларида америкалик мусулмонларнинг овоз бериши натижалари бўйича тадқиқотини эълон қилди.
Мамлакат бўйлаб сайлов участкаларига бориб овоз берган 1575 киши ўртасида ўтказилган сўровга асосланган тадқиқот шуни кўрсатдики, америкалик мусулмонлар бу сайловда учинчи номзодга мойил бўлган.
Сўров натижаларига кўра, Қўшма Штатлар бўйлаб сайлов участкаларида америкалик мусулмонларнинг 53 фоизи Яшиллар партияси номзодига овоз берган бўлса, республикачи Доналд Трамп 21 фоиз, демократ Камала Ҳаррис эса 20 фоиз овоз олган.
Америкалик мусулмонлар сони энг кўп бўлган Мичиган штатида бу ердаги америкалик мусулмон сайловчиларнинг 59 фоизи Стайнга, 22 фоизи Трампга ва атиги 14 фоизи Ҳаррисга овоз берган.
2020 йилги президентлик сайловларида Мичигандаги америкалик мусулмонлар демократ Жо Байденни қўллаб-қувватлади. 2024 йилги сайлов маълумотлари Ғазодаги воқеалар муносабати билан Байден-Ҳаррис маъмуриятининг «жазоси» сифатида талқин қилинмоқда.
Мавзуга оид
23:20 / 13.11.2024
Полшада АҚШнинг ракетага қарши мудофаа базаси очилди
22:44 / 13.11.2024
Трамп маъмуриятида Украина бўйича махсус вакил бўлади — ОАВ
22:14 / 13.11.2024
Трамп лавозим тақсимламоқда: Пентагон журналистга, Маскка янги департамент
15:44 / 13.11.2024