Президент 9 нафар сенаторни тайинлади

Шавкат Мирзиёев фармони бўйича тайинланган сенаторлар орасида Азамат Зиё, Муножот Йўлчиева, Абдусаид Кўчимов, Содиқ Сафоев, Турсинхон Худайбергенов, Алишер Саъдуллаев ва бошқалар бор.

Фото: Президент матбуот хизмати

Ўзбекистон президенти "Олий Мажлиси Сенати аъзоларини тайинлаш тўғрисида"ги фармонни имзолади.

Ўзбекистон Конституциясининг 92-моддасига ҳамда Сайлов кодексининг 75-моддасига мувофиқ:

Зиё Азамат Ҳамид ўғли – Ўзбекистон Республикаси Фанлар академияси Тарих институти директори
Йўлчиева Муножатхон Абдувалиевна – Юнус Ражабий номидаги Ўзбек миллий мусиқа санъати институти профессори
Кўчимов Абдусаид Кўчимович – Ўзбекистон Миллий ахборот агентлиги бош директори
Рафиқов Қудратилла Мирсагатович – Ўзбекистон касаба уюшмалари Федерацияси Кенгаши раиси
Рахманкулов Мир-Акбар Ходжи-Акбарович – Ўзбекистон Республикаси Президенти ҳузуридаги Қонунчилик ва ҳуқуқий сиёсат институти директори
Сафоев Содиқ Солихович – Ўзбекистон Республикаси Олий Мажлиси Сенати Раисининг биринчи ўринбосари
Саъдуллаев Алишер Зафар ўғли – Ўзбекистон Республикаси Ёшлар ишлари агентлиги директори
Турдиев Содиқжон – Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси бошқаруви раиси
Худайбергенов Турсинхан Айдарович – Ўзбекистон Республикаси Президенти маслаҳатчиси Сенат аъзолари этиб тайинланди.

Конституция ва қонунчиликка кўра, Сенатнинг айрим аъзолари фан, санъат, адабиёт, ишлаб чиқариш соҳасида ҳамда давлат ва жамият фаолиятининг бошқа тармоқларида катта амалий тажрибага эга бўлган ҳамда алоҳида хизмат кўрсатган энг обрўли фуқаролар орасидан президент томонидан тайинланади.