Қўшимча функционаллар
-
Тунги кўриниш
Россия ҲСКда кадрлар етишмаяпти
Дума Россия мудофаа корхоналарида ишчилар етишмаётганини маълум қилди ва ёшларни муҳандислик касбларига жалб қилишга чақирди.
Фото: Антон Новодережкин / ТАСС
Россияда мудофаа саноатида ишлаш учун ишчилар етарли эмас. Давлат думаси назорат қўмитаси раиси Олег Морозовнинг 27 ноябр, чоршанба куни маълум қилишича, айрим ҳисоб-китобларга кўра, яқин келажакда Россия мудофаа корхоналарида кадрлар етишмовчилиги тахминан 400 минг кишини ташкил қилади. У буни биринчи навбатда ушбу соҳага зарур бўлган муҳандислик мутахассисларининг етишмаслиги билан боғлади. Қўмита йиғилишида сўзга чиққан Морозов сўнгги ўн йилликларда муҳандислик мутахассисларининг тақчиллиги юзага келганини таъкидлади. Бу ҳолатни ўзгартириш, ёшларни муҳандислик касбларига жалб қилиш чораларини кўриш зарурлигини қўшимча қилди.
Меҳнат вазирлиги раҳбари Антон Котяков аввалроқ меҳнат бозорида кадрлар танқислиги мавжудлигини тасдиқлаган эди. Унинг сўзларига кўра, айниқса, малакали ишчилар етишмайди. Вазирлик маълумотларига кўра, 2030 йилга бориб кадрларга бўлган эҳтиёж камида 2,4 миллион кишини ташкил қилади. Бу эса малакали мутахассислар тайёрлаш билан боғлиқ вазиятни яхшилаш бўйича фаол ҳаракат қилишни тақозо этади.
2022 йилнинг февралида Украинага тўлиқ миқёсда бостириб кирганидан бери Россия ҳарбий ишлаб чиқаришни кескин оширди. 2025 йилги Россия бюджети лойиҳасида ҳарбий харажатлар учун 13,5 триллион рубл ажратиш режалаштирилган, бу ялпи ички маҳсулотнинг 6,31 фоизига тўғри келади. Бироқ, Россия ҳарбий-саноат комплексига буюртмаларни бажаришда ресурслар ва имкониятлар, жумладан, ишчи кучининг етишмаслиги тўсқинлик қилмоқда.
Тавсия этамиз
Самарқанд шаҳрига кириш йўллари вақтинча ёпилади
Ўзбекистон | 21:35 / 30.03.2025
Дунё бўйлаб Рамазон ҳайити қандай кутиб олинди – фотолар
Жаҳон | 20:30 / 30.03.2025
АҚШ «Толибон» билан алоқа ўрнатяптими?
Жаҳон | 16:25 / 30.03.2025
Германиядаги шаҳарча газетада эълон бериб, янги ҳоким ахтармоқда
Жаҳон | 07:57 / 30.03.2025
Сўнгги янгиликлар
-
Ҳайит куни қурбон бўлган ғазоликлар, ҳусийчиларга Трампдан таҳдид ва «Толибон»ни легаллаштирмоқчи бўлаётган Россия — кун дайжести
Жаҳон | 13:56
-
Ҳафта давомида ҳарорат кўтарилиши давом этади
Ўзбекистон | 13:21
-
Товар, транспорт ва шахсларнинг хавф даражаларига кўра божхона назорати шакллари қўлланади
Ўзбекистон | 13:15
-
2 йил олдин сотилган “Кварц” АЖ яна давлат назоратига қайтди
Иқтисодиёт | 12:27
Мавзуга оид
09:38
ЕИ дипломатлари Россияни Украинада ҳеч қандай шартсиз ўт очишни тўхтатишга чақирди
08:51
«У Путиндан чўчимади» — Кремл Зеленскийни четлатиш орқали Украинани бўйсундиришга интиляпти
08:26
Германия Россия газини импорт қилиш имкониятидан воз кечмоқда
20:30 / 31.03.2025
Россиянинг яна бир ҳудуди мигрантлар меҳнатига чекловлар жорий қилди
