Абдуқодир Ҳусанов Ўзбекистоннинг энг қимматбаҳо ўйинчисига айланди

Германиянинг Transfermarkt портали Франция чемпионатида фаолият юритаётган футболчиларнинг трансфер баҳосини янгилади.

Фото: Getty images

Унга кўра, Абдуқодир Ҳусановнинг трансфер баҳоси 5 миллион евродан 12 миллион еврога кўтарилган. Ўзбекистонлик 20 ёшли ҳимоячининг трансфер қиймати 7 млн еврога ошиб, у бу борада «Ланс»нинг нархи энг кўп ошган ўйинчиси бўлди.

Шу тариқа, Ҳусанов Аббосбек Файзуллаев (6 млн евро) ва Элдор Шомуродовни (5 млн евро) ортда қолдириб, Ўзбекистоннинг энг қимматбаҳо ўйинчисига айланди.