ОТБ Ўзбекистонда мактабгача таълимни яхшилашга кўмаклашади

Осиё тараққиёт банки Жиззах, Қашқадарё, Сурхондарё ва Тошкент вилоятларида давлат-хусусий шериклик асосида юқори сифатли мактабгача таълимни таъминлашни қўллаб-қувватлаш мақсадида Мактабгача ва мактаб таълими вазирлиги ҳамда Иқтисодиёт ва молия вазирлигининг транзакция масалалари бўйича маслаҳатчиси сифатида фаолият юритади. 

Банк Самарқанд вилоятидаги 100 та мактабгача таълим муассасасини ривожлантириш бўйича шу каби маслаҳат хизматларини кўрсатмоқда.

ОТБнинг бешта ҳудудда транзакция бўйича маслаҳати ёрдамида мамлакатда 500 тагача (ҳар бир ҳудудда 100 га яқин) мактабгача таълим муассасаси ташкил этилади, бу эса 75 минг нафар ўқувчига фойда келтиради.

Лойиҳалар таълим тизимини халқаро стандартларга мослаштиришга кўмаклашади.

ОТБ кўмаги лойиҳалар тайёрлаш, уларни ташкил қилиш ва ҳар бир лойиҳа учун малакали хусусий ҳамкорларни жалб қилишда ёрдам кўрсатишни ўз ичига олади.

Банк уларни амалга оширишда Ўзбекистоннинг ДХШ бозорини ривожлантириш тажрибасига таянади ҳамда давлат ва хусусий секторни ДХШни амалга ошириш салоҳиятини кучайтиришда қўллаб-қувватлайди.