Ўзбекистон энг кам ойлик маош рейтингида 113-ўринни эгаллади

Ўзбекистон World Population Review томонидан тайёрланган энг кам ойлик маош рейтингида 113-ўринни эгаллади.

Рейтинг 2020 йилги кўрсаткичлар асосида 154 мамлакатни қамраб олган ва таққослаш осон бўлиши учун АҚШ долларида келтирилган.

Рейтингга кўра, Ўзбекистонда йиллик энг кам иш ҳақи 1041 доллар, соатига эса 0,5 долларни ташкил қилади.

Энг юқори кўрсаткичлар Австралия (йиллик 34,5 минг / соатига 17,4), Янги Зеландия (33,4 минг / 16,1) ва Люксембургда (32,1 минг / 15,4) қайд этилган.

Энг кам иш ҳақи - бу мамлакатдаги иш берувчилар ўз ишчиларига маълум бир иш бирлиги учун ҳақ тўлаши мумкин бўлган энг кам пул миқдори. У одатда соатлик ёки ойлик асосда ҳисобланади, лекин баъзан кунлик ёки ҳафталик ставка сифатида кўрсатилиши мумкин.

2020 йилда энг кам иш ҳақи бўйича юқори кўрсаткичга эга 20 та давлат (соатига, АҚШ доллари):

- Австралия 17,47 доллар;

- Янги Зеландия 16,10 доллар;

- Люксембург 15,43 доллар;

- Германия 14,68 доллар;

- Буюк Британия $14,27;

- Ирландия 13,96 доллар;

- Франция 13,33 доллар;

- Белгия 12,15 доллар;

- Нидерландия 11,98 доллар;

- Монако 11,88 доллар;

- Канада $11,60;

- Жанубий Корея 11,50 доллар;

- Сан-Марино 10,93 доллар;

- Исроил 9,48 доллар;

- Эрон 9,13 доллар;

- Аргентина 8,55 доллар;

- Испания 8,39 доллар;

- Словения 8,21 доллар;

- Япония 8,14 доллар;

- Андорра 8 доллар.

Таъкидланишича, кўплаб давлатлар ҳар йили энг кам иш ҳақини ўзгартиради, шунинг учун бу рейтинглар 2021 йилги глобал маълумотлар тузилганидан кейин ўзгариши мумкин.