Зеленский: Украинага камида 200 минг нафар тинчликпарвар керак

Украина президенти Володимир Зеленскийнинг сўзларига кўра, Россия билан ҳарбий можарони ҳал қилиш доирасида хавфсизлик кафолати сифатида унинг мамлакатига камида 200 минг европалик тинчликпарварлар контингентини юбориш керак бўлади. «Бу минимал, акс ҳолда ҳеч нарса бўлмайди», деди у 21 январ, сешанба куни Давосдаги Жаҳон иқтисодий форумида тинчликпарварлик миссияси бўлиши мумкинлиги ҳақидаги саволга жавоб берар экан.

Зеленский: Путин Украина армиясини бир неча бор қисқартиришни талаб қилади

Украина президенти, шунингдек, Россия президенти Владимир Путиннинг Украина армиясини беш баробарга қисқартириш ҳақидаги эҳтимолий талаби ҳақида ҳам гапирди. Зеленскийнинг сўзларига кўра, «Украина армиясини бир неча баробарга қисқартириш» тинчлик музокараларида муҳим масалалардан бири бўлади. «Бу аниқ: агар биз 800 мингдан ортиқ армия туза олган бўлсак, демак, биз ва Европа нафақат ўзини ҳимоя қилишга, балки Путинга қарши курашишга ҳам қодир бўлган армиямиз», — деди у. Киев бу талабларни қабул қилишга рухсат бермаслиги айтилди.

Бундан ташқари, Зеленский ҳозирда унинг жамоаси АҚШнинг янги президенти Доналд Трамп билан учрашув ташкил этиш устида иш олиб бораётганини айтди.

Зеленский Европани кучли ўйинчи бўлишга чақирди

Шу билан бирга, Украина раҳбари Европани ўзи ва бошқалар учун хавфсизликни кафолатлашга қодир кучли глобал ўйинчига айланишга чақирди. Унинг сўзларига кўра, айни дамда глобал дунё тартиби яна бир «бурилиш нуқтасини» бошидан кечирмоқда, буни баъзилар Европа учун муаммо, бошқалари эса имконият деб атайди.

«Европа ўз иттифоқчилари орасида иккинчи ёки учинчи ўринни эгаллашга қодир эмас. Агар шундай бўладиган бўлса, дунё Европасиз олдинга силжийди ва бу европаликлар учун қулай ҳам, фойдали ҳам бўлмаган дунё бўлади. Европа устуворлик, алянслар ва технологик тараққиёт учун рақобат қилиши керак», — деб таъкидлади Зеленский.