Британияда уч қизни ўлдирган шахс 52 йилга қамалди

Аксел Рудакубан Ливерпул қироллик судида Саутпорт чеккасида уч нафар қизни ўлдирганликда айбланиб, умрбод қамоқ жазосига ҳукм қилинди. Бу ҳақда 23 январ, пайшанба куни Буюк Британия Бош прокуратурасига таяниб, AFP агентлиги хабар берди.

Судланувчи, руандалик ўсмир жиноят вақтида 17 ёшда бўлганлиги сабабли, унга нисбатан жазони тўлиқ қўллаш мумкин эмас. Шу боис суд уни тергов давомида ҳибсда ўтказган вақтини 52 йилдан чегириб ташлаган ҳолда 51 йил 190 кунга озодликдан маҳрум қилди. Судянинг сўзларига кўра, йигитнинг қачондир озод этилиши даргумон.

Рудакубан қизларни ўлдиришдан ташқари яна 13 та жиноятда айбдор деб топилди. Хусусан, бу яна ўн кишини, жумладан саккиз болани ўлдиришга уриниш, шунингдек, рицин ишлаб чиқариш ва «Ал-Қоида» террорчилик ташкилоти учун ўқув қуролини сақлашдир.

Болаларнинг ўлдирилиши оммавий норозиликларга сабаб бўлди

2024 йил 29 июлда Рудакубана Саутпорт курорт шаҳридаги 6 ёшдан 11 ёшгача бўлган болалар учун мўлжалланган Hart Space Studious рақс студиясига пичоқ билан ҳужум қилди. Ҳужум оқибатида уч қиз ҳалок бўлган. Яна саккиз нафар бола ва икки катта ёшли киши пичоқланган.

Ҳужум Буюк Британия бўйлаб кенг тарқалган тартибсизликларга сабаб бўлди. Саутпортда намойишчилар масжидга ҳужум қилди, полицияга тошлар отди ва машиналарни ёқиб юборди. Полициянинг айтишича, зўравонлик ўта ўнг "Англия мудофаа лигаси" гуруҳи томонидан амалга оширилган.