Тошкент метросига яна 3 та янги поезд олиб келинди

Бугун, 4 феврал куни Тошкент метрополитени вагон паркига яна янги 3 та замонавий метро поездлари олиб келинди.

Пойтахт метрополитенининг маълум қилишича, ушбу ҳаракат таркиблари белгиланган йўриқномага асосан 7-10 кун давомида техник синовдан ўтказилиб, сўнгра хизмат кўрсатиш учун йўналишларга чиқарилади.

Шунингдек, жорий йилнинг феврал ойи давомида яна шу турдаги 3 та метро поездлари олиб келиниши режалаштирилган.

«Бу режавий ишлар натижасида, метро вагон паркларини янгилаш ва белгиланган вақт интервалларини янада қисқартишга эришиш мақсад қилинган», — дейилади хабарда.

Эслатиб ўтамиз, Метрополитен 2024 йил 31 декабрда ҳам 3 та «Метровагонмаш» (Россия) заводида ишлаб чиқарилган поезд олганини эълон қилганди. Январ бошларида ҳам янги тўрт вагонли 3 та метро поездлари олиб келингани маълум бўлган эди.