Японияда дунёдаги энг кичик боғ мавжуд: унинг майдони ярим метрдан кам

Токио шаҳрининг чеккасида Гиннес рекордлар китобига киритилган дунёдаги энг кичик боғ мавжуд.

Боғ 1988 йилда барпо этилган. Уни яратиш ғояси маҳаллий аҳоли вакилига тегишли бўлиб, у АҚШга саёҳати давомида Орегон штатидаги энг кичик боғдан илҳомланган ва ўзи ҳам шундай рекорд ўрнатишга қарор қилган.

“Ўшанда компания ходимларидан бири АҚШда дам олаётганида, ўша вақтдаги энг кичик паркни (Орегон штатининг Портланд шаҳрида жойлашган Mill Ends Park) кўриб қолган. Шу сабабли ўз шаҳрида ундан ҳам кичикроқ боғ яратишни хоҳлаган”, — деб таъкидлади Гиннес рекордлар китоби вакили Сюжи Кояма.

Боғ йўллар кесишган ҳудудда жойлашган бўлиб, илгари бу майдон бўш ётарди. Ҳозирги кунда пиёдалар бу ердан дам олиш ва кутиш жойи сифатида фойдаланмоқда. Шунингдек, боғ расм олишни ёқтирадиган кўплаб сайёҳларни ўзига жалб қилмоқда.

Боғнинг майдони 0,24 квадрат метрни ташкил этади — бу А3 форматдаги икки варақ қоғоз эгаллайдиган жойга тенг. Боғда кириш жойи, бир киши ўтирадиган кичик ўриндиқ ва озгина майсазор мавжуд. Расман ушбу боғ 2024 йил 25 декабрда шаҳар боғи мақомини олган.