Трамп: Байденнинг айрим шахсларни афв этиши - ҳақиқий эмас

«Уйқусираган Жо Байденнинг сайланмаган сиёсий безорилар қўмитасига ва бошқа бошқаларга тақдим этган «афв»лари ўз кучини йўқотди ҳамда куч ва таъсирга эга эмас», деб ёзди 17 март, душанба куни АҚШ президенти Доналд Трамп Truth Social саҳифасида.

Хусусан, гап Трамп ўз буйруғини бажармагани учун ватанга хиёнатда айблаган АҚШ штаб бошлиқларининг бирлашган қўмитаси собиқ раиси, истеъфодаги генерал Марк Милли, Аллергия ва юқумли касалликлар институтининг собиқ раҳбари, COVID-19 пандемиясига қарши кураш бўйича собиқ маслаҳатчиси, АҚШ Конгресси аъзоси 19 Энтони Фаучи ва АҚШ Конгресси собиқ аъзоси Лиз Чейни ҳақида бормоқда.

Трамп АҚШ Гренландияни қўшиб олишига ишоняпти

Америка Қўшма Штатлари Гренландияни аннексия қилади, Доналд Трампнинг бунга ишончи комил. 13 март куни Оқ уйда НАТО бош котиби Марк Рютте билан учрашувда АҚШ президенти оролнинг аннексия қилиниши мумкинлиги ҳақидаги саволга «Ўйлайманки, шундай бўлади», деб жавоб берди. «Бизга бу (Гренландия) халқаро хавфсизлик учун керак», деб тушунтирди Трамп. У, шунингдек, Рютте Гренландиянинг АҚШга қўшилишида «муҳим рол» ўйнашига ишонч билдирди.

Ўз навбатида, Марк Рютте «НАТОни бу масала бўйича муҳокамаларга тортмоқчи эмаслигини» айтди, лекин Россия ва Хитойнинг ушбу минтақага қизиқиши ортиб бораётганлиги сабабли Арктика хавфсизлиги учун Гренландия муҳимлигини тан олди.

Гренландияни ўз ичига олган Дания парламентининг мудофаа қўмитаси раиси Расмус Ярлов ўзининг Х ижтимоий тармоғидаги саҳифасида АҚШнинг оролга даъволари «икки НАТО давлати ўртасида урушга» олиб келиши мумкинлигини ёзди ва Марк Рюттенинг Трамп билан учрашувдаги хатти-ҳаракатларини ҳам танқид қилди. «Гренландия Даниядан дарҳол мустақилликка қарши овоз берди ва ҳеч қачон Американики бўлишни хоҳламайди», дея қўшимча қилди Ярлов.