Google учун ҳар бир фойдаланувчининг «бармоқ изи» қандай экани айтилди

Google ҳар бир фойдаланувчисининг ўз бармоқ изи бор. Бу фойдаланувчиларнинг техник характеристикалари тўплами, масалан: шахсий компютер ёки смартфон экрани ўлчамлари, қурилмага ўрнатилган иловалар рўйхати, IP манзили, жойлашуви, плата маълумотлари ва бошқалар, деди «Лаборатория Касперского»нинг контент таҳлили бўйича мутахассиси Анна Ларкина.

«Таъкидлаш жоизки, бармоқ изи фақатгина компанияларга фойдаланувчининг ноёб портретини яратишга ёрдам берадиган воситадир. У, масалан, онлайн фирибгарликка қарши курашиш учун фирибгарликка қарши тизимларда ишлатилиши мумкин. Компаниялар бундай маълумотлардан кўпроқ мос реклама кўрсатиш ёки бошқа маркетинг мақсадларида ҳам фойдаланишлари мумкин», — дея таъкидлади мутахассис.

Фирибгарлар ушбу маълумотлардан ижтимоий муҳандисликни яхшилаш учун ҳам фойдаланишлари мумкин (махфий маълумотларни олиш ёки хавфсиз тизимларга кириш учун одамларни манипуляция қилиш).

«Назарий жиҳатдан, агар тажовузкорлар фойдаланувчиларнинг техник хусусиятларини билиб олса, улар одамлар ҳақидаги бошқа маълумотларда бўлгани каби, ўз ҳикояларининг ишончлилигини ошириш учун ҳам фойдаланишлари мумкин», деди Ларкина.

Унинг сўзларига кўра, маълумотларни тўплайдиган скриптларни аниқлайдиган ва уларни блоклайдиган ёки «қисқартирадиган» махсус браузер плагинлари мавжуд.