Қўшимча функционаллар
-
Тунги кўриниш
Ўзбекистон яна нетто газ экспортчисига айланди
Жорий йилнинг дастлабки икки ойида Ўзбекистон 42 млн долларлик газ экспорт қилиб, 35,8 млн долларлик газ импорт қилди. Мамлакатда газ қазиб олиш йилдан йилга камайиб, тақчиллик ошиб бораётган бир вақтда, экспортнинг кўпайиши саволли масала бўлиб қоляпти.
Фото: AP
2025 йилнинг январ-феврал ойларида Ўзбекистон 42 млн долларлик газ экспорт қилди. Бу ўтган йилнинг мос давридаги кўрсаткичга (26,7 млн доллар) нисбатан 57,3 фоизга кўп. Бу ҳақда Статистика қўмитаси ҳисоботида келтирилган.
Биргина феврал ойида 20,2 млн долларлик газ сотилган бўлиб, бу ўтган йилнинг февралига нисбатан 14,5 млн долларга ёки 3,54 баробарга кўп.
Ўз навбатида, мазкур даврда газ импорти 35,8 млн долларни ташкил этган. Хусусан, феврал ойида газ сотиб олиш 8 млн долларгача (16,4 баробар) қисқарган. Йил бошидан бери газ импорти 6 баробарга (166,7 млн доллардан 35,8 млн долларга) камайган.
Маълумот учун, феврал ойида Ўзбекистонда газ қазиб олиш 208,8 млн куб метрга камайиб, 3 млрд 501,5 млн куб метргача қисқарган. Йил бошидан бери умумқисқариш 4,2 фоиз бўлган.
Эслатиб ўтамиз, Ўзбекистон 2024 йил давомида Россия ва Туркманистондан 1,7 млрд долларлик газ сотиб олди. Бу – 2023 йилга нисбатан 2,4 баробарга, 2022 йилга нисбатан 6 баробарга кўп. Ўз навбатида, газ экспорти қиймат жиҳатдан 18 фоизга ошиб, 628 млн долларга етди. Табиий газ қанча нархда импорт ва экспорт қилинаётгани “тижорий сир” сифатида очиқланмай келади.
Бундан беш йил олдин, расмийлар 2025 йил 1 январдан Ўзбекистон табиий газ экспортини тўхтатиши мумкинлигини айтганди.
Тавсия этамиз
Самарқанд шаҳрига кириш йўллари вақтинча ёпилади
Ўзбекистон | 21:35 / 30.03.2025
Дунё бўйлаб Рамазон ҳайити қандай кутиб олинди – фотолар
Жаҳон | 20:30 / 30.03.2025
АҚШ «Толибон» билан алоқа ўрнатяптими?
Жаҳон | 16:25 / 30.03.2025
Германиядаги шаҳарча газетада эълон бериб, янги ҳоким ахтармоқда
Жаҳон | 07:57 / 30.03.2025
Сўнгги янгиликлар
-
Шавкат Мирзиёевнинг Тожикистонга амалий ташрифи якунланди
Ўзбекистон | 00:20
-
Дунёдаги энг яшил шаҳарлардан бири экологик мақсадларига эриша олмагани учун жаримага тортилди
Жаҳон | 23:40 / 31.03.2025
-
Германияда банкир товуқлар ижараси билан шуғулланиш учун ишдан бўшади
Жаҳон | 23:24 / 31.03.2025
-
Андижонда масжидда газ портлади. Асосий маълумотлар
Ўзбекистон | 23:19 / 31.03.2025
Мавзуга оид
12:46 / 28.03.2025
Газ ва электр энергияси тарифлари оширилиши 1 майгача кечиктирилди
12:34 / 28.03.2025
Суюлтирилган газ маҳсулоти ноқонуний сақланган «бункер» аниқланди
21:19 / 26.03.2025
Аҳмадхўжаев: “Одамлар одатланиб қолган истеъмол маданияти бўлмаганида, газ учта Ўзбекистонга етган бўларди”
18:32 / 26.03.2025
Ўзбекистонда газ қазиб олиш ва электр энергияси ишлаб чиқариш қисқарди
