Саида Мирзиёева Рамазон ҳайити билан барча ўзбекистонликларни табриклади

«Рамазон ҳайити – Ийд ал-Фитр байрами барчамизга муборак бўлсин. Ушбу муқаддас айём шарофати билан жамиятимизда ўзаро ҳурмат-эҳтиром, жаҳонда тинчлик-осойишталик ҳукм сурсин», — деб ёзди президенти ёрдамчиси.

Фото: Саида Мирзиёева / Telegram

Ўзбекистон президенти ёрдамчиси Саида Мирзиёева Рамазон ҳайити муносабати билан табрик йўллади.

«Ҳурматли ватандошлар. Рамазон ҳайити – Ийд ал-Фитр байрами барчамизга муборак бўлсин. Ушбу муқаддас айём шарофати билан жамиятимизда ўзаро ҳурмат-эҳтиром, жаҳонда тинчлик-осойишталик ҳукм сурсин. Юртимизга қут-барака ёғилсин. Барча эзгу орзу-умидларингиз амалга ошсин, азизлар!» — деб ёзди Саида Мирзиёева.

Аввалроқ Шавкат Мирзиёев Ўзбекистон халқига Рамазон ҳайити табригини йўллаган эди. Президент ўз табригида кам таъминланган, ёрдамга муҳтож оилалар, кекса, ногирон ва ёлғиз инсонлар ҳолидан хабар олиш, камбағал кишиларнинг оғирини енгил қилиш, уйлар ва маҳаллаларни обод этиш, уч авлод вакиллари иштирокида оммавий дарахт экиш, янги боғ-у роғлар барпо этиш бўйича кўплаб хайрия тадбирлари ўтказилганини қайд этган.