Стубб: Париж ёки Лондон Россия билан мулоқотда етакчи бўлиши керак

Франция ёки Буюк Британия Европанинг Украинадаги вазиятни тартибга солиш ҳаракатлари доирасида Россия билан алоқаларда ташаббус кўрсатиши керак. Бу ҳақда 3 апрел, пайшанба куни Ҳелсинкида Австрия президенти Александр ван дер Беллен билан учрашган Финландия президенти Александр Стубб маълум қилди.

Украинани қўллаб-қувватлашга тайёр бўлганлар коалициясига қўшилган Европа давлатлари ўтган ҳафта ўтган йиғилишда ҳеч бўлмаганда унинг етакчиларидан бири Россия томони билан алоқа ўрнатиши керак деган фикрга келди, дея тушунтирди Стубб.

«Мен шахсан «хоҳловчилар коалицияси», бошқача қилиб айтганда, Франция ёки Буюк Британиядан вакилларимиз бу билан шуғулланишини маъқул кўраман», — дея қўшимча қилди у.  Париждан ушбу форматда президент Эммануэл Макрон, Лондондан бош вазир Кир Стармер вакиллик қилмоқда.

Стуббнинг қўшимча қилишича, Россия билан музокараларда Европанинг ҳар қандай позицияси яқиндан мувофиқлаштирилиши лозим, деб ёзади Reuters. Шу билан бирга, агентлик Финландиянинг Россия Федерацияси билан умумий чегараси борлигини эслатиб ўтади, унинг узунлиги 1300 км. Ҳелсинки расмийлари Украинани фаол қўллаб-қувватламоқда. 2023 йилда Финландия НАТОга қўшилди.