Ўзбекистон президентининг махсус вакили Россия элчиси билан учрашди

Ўзбекистон ва Россия Афғонистонни ижтимоий-иқтисодий тиклашга қаратилган саъй-ҳаракатларни давом эттиради.

Фото: dunyo.info

Ўзбекистон президентининг Афғонистон бўйича махсус вакили Исматулла Эргашев Россия элчиси Олег Малгинов билан учрашди.

ТИВ маълумотига кўра, суҳбат давомида Афғонистон йўналишидаги Ўзбекистон-Россия ҳамкорлигининг бугунги ҳолати, минтақавий хавфсизликни таъминлаш масалалари ҳар томонлама муҳокама қилинди.

Шунингдек, томонлар Афғонистонни ижтимоий ва иқтисодий тиклашга қаратилган саъй-ҳаракатларни давом эттиришга тайёр эканликларини билдирди.