Парижда Руминия қироллик уйи раҳбари қўлга олинди

Қирол Карол II нинг набираси Павел-Филипп Гогенсоллерн пул ювиш ва коррупция каби жиноятларда айбланмоқда.

Фото: Wikimedia

Францияда Руминия қироли Карол II нинг набираси, ўзини румин қироллик уйи раҳбари деб эълон қилган Павел-Филипп Гогенцоллерн Умумевропа ордери асосида ҳибсга олинди.

Қайд этилишича, Павел-Филипп кўчмас мулк билан боғлиқ фирибгарлик, пул ювиш ва коррупцияда айбланмоқда.

Руминия ҳукумати шаҳзоданинг экстрадиция қилинишига учинчи марта уринмоқда. 2020 йилда Павел-Филипп Гогенцоллерн қироллик оиласига тегишли кўчмас мулк билан боғлиқ фирибгарлик ва коррупция учун сиртдан қамоққа ҳукм қилинган эди. Аммо ўша вақтда Павел-Филипп Францияда бўлган ва мамлакат ҳукумати уни экстрадиция қилишдан бош тортган.

Шаҳзода Гогенцоллернни ватанига қайтариш йўлидаги иккинчи уриниш ўтган йили, у Малтага борганида амалга оширилган. Бироқ Малта суди ҳам инсон ҳуқуқлари ва айбланувчининг алоҳида мақомини эътиборга олиб, экстрадицияни рад этган.

Павел-Филипп Гогенцоллерн ўзига нисбатан таъқибни сиёсий деб ҳисоблайди: у 2000 йилда ўз номзодини мамлакат президентлиги лавозимига илгари сурган, бироқ сайловларда муваффақиятга эришмаган эди.

#Руминия #Павел-Филипп