Қўшимча функционаллар
-
Тунги кўриниш
Telegram Россияда 7 миллион рубл жаримага тортилди
Роскомнадзор бир қатор Telegram каналларида терактлар ва «ҳукуматни ағдариш»га қаратилган норозилик намойишларига чақириқларни топди. Уларни олиб ташлашдан бош тортгани учун суд мессенжерни 7 миллион рубл миқдорида жаримага тортди.
Фото: KUN.UZ / Муҳаммаджон Ғаниев
Москванинг Таганск туман суди Telegram мессенжерини терактлар уюштириш ва ҳукуматга қарши намойишларда қатнашишга чақирувчи каналларни олиб ташламагани учун 7 миллион рубл жаримага тортди. Бу ҳақда 8 апрел, сешанба куни суд иши материалларига таяниб, ТАСС хабар берди.
Суд ҳужжатларида айтилишича, Роскомнадзор (РКН) Telegram-каналлари томонидан маълумотларга киришни чеклаш тартиби бузилганлигини аниқлаган, хусусан, «Россияда ҳукуматни ағдариш мақсадида» ҳукуматга қарши намойишларда иштирок этишга, шунингдек, «Украина қуролли кучларига ёрдам бериш мақсадида» темирйўл транспортида терактлар уюштиришга чақириқлар янграган. ТАСС қайд этишича, суд аввалроқ худди шундай қоидабузарлик учун Telegramʼни 4 миллион рубл миқдорида жаримага тортган.
Украинада кенг кўламли уруш бошланганидан бери, 2025 йилнинг феврал ойи ҳолатига кўра, Россия судлари машҳур мессенжерни тақиқланган маълумотларни ўчирмагани, ўзини ўзи бошқариш мажбуриятини ва Роскомнадзор буйруғини бажармагани учун маъмурий моддалар бўйича 63,4 миллион рубл миқдорида жаримага тортди, деб ёзади «Коммерсант».
Россия назорат агентлиги матбуот хизматининг 7 апрел куни хабар беришича, 2017 йилдан бери Telegram мессенжери Роскомнадзор талабига биноан 373 мингдан ортиқ нашр ёки канални ўчириб ташлаган. Шу куни расмийлар, олигархлар ва хавфсизлик кучлари ҳақидаги компромат ва инсайдер маълумотларни чоп этиш билан машҳур бўлган Россиянинг машҳур «ВЧК-ОГПУ» аноним канали ўчириб ташлангани маълум бўлди.
Тавсия этамиз
Бозор – гўшт нархи ҳақида: “Ем-хашак қиммат, мол боқиш осон бўлмай қолди”
Ўзбекистон | 17:00 / 27.05.2025
Пойтахт бош режаси интерактив харитада: унда нималар акс этган?
Ўзбекистон | 14:30 / 27.05.2025
“Виза беришни осонлаштириш ҳақида гап-сўз йўқ” – АҚШ элчихонаси
Ўзбекистон | 19:28 / 26.05.2025
Макрон Ветнамга ташрифи чоғида рафиқасидан шаппати еди
Жаҳон | 16:40 / 26.05.2025
Сўнгги янгиликлар
-
AP: Россия қамоқхоналарида 200 дан ортиқ украиналик ҳарбий асир ҳалок бўлди
Жаҳон | 15:30
-
Таниқли журналист ва блогер Ўзбекистоннинг Кувайтдаги туризм элчиси этиб тайинланди
Ўзбекистон | 15:01
-
Samsung Display Россия металларини сотиб олишни тўхтатди
Жаҳон | 14:38
-
Ўзбекистон ва Сингапур яримўтказгичлар соҳасида ҳамкорлик қилади
Ўзбекистон | 14:20
Мавзуга оид
15:30
AP: Россия қамоқхоналарида 200 дан ортиқ украиналик ҳарбий асир ҳалок бўлди
14:38
Samsung Display Россия металларини сотиб олишни тўхтатди
13:11
NYT: Россия Запорижжя АЭСни ўз энерготизимига улашни режалаштирмоқда
10:23
Давлат департаменти спикери: Россия Трампнинг сўзларини жиддий қабул қилиши керак
