«Веймар+»: Россия Украинада ўт очишни тўхтатишни муҳокама қилиши керак

Россия зудлик билан Украинада ўт очишни тўхтатиш масаласини муҳокама қилишни бошлаши керак. Бу ҳақда 12 май, душанба куни Лондонда «Веймар учбурчаги» («Веймар+») кенгайтирилган йиғилиши иштирокчилари маълум қилди. 

Ушбу формат Германия, Франция ва Полшани Буюк Британия, Италия ва Испания, шунингдек, Европа Иттифоқининг ташқи ишлар ва хавфсизлик сиёсати бўйича олий вакили Кая Каллас билан бирлаштиради.

«Россия ҳозирча олдинга силжиш учун жиддий ният кўрсатмади. Буни кечиктирмасдан амалга ошириши керак», — дейди улар.

30 кунлик зудлик билан ва сўзсиз ўт очишни тўхтатиш «адолатли, тўлиқ ва мустаҳкам тинчлик бўйича музокаралар учун жой» очади, деб хабар қилди AFP.