Баҳодир Жалоловнинг навбатдаги жанги санаси ва рақиби маълум бўлди

Профессионал бокснинг супероғир вазн тоифасида ҳаракат қилаётган ўзбекистонлик икки карра Олимпиада чемпиони Баҳодир Жалолов (15-0, 14 КО) ўзининг навбатдаги жангини жорий йилнинг 26 июл куни АҚШда ўтказади. 

“Мадисон Square Garden” аренасидаги бокс кечасида Жалоловга италиялик 36 ёшли Жанмарко Кардилло (12-1-2, 2 КО) рақиблик қилади.

Баҳодир Жалолов профессионал боксдаги фаолияти давомида ҳозиргача 15 та жанг ўтказиб, барчасида ғалаба қозонган. Сўнгги жангини 2025 йил 5 апрел куни Остона шаҳрида украиналик Игор Шевадзуцкийга қарши ўтказиб, очколар эвазига ғалаба қозонганди. Бу Жалолов учун профессионал боксдаги илк тўлиқ жанг бўлди. У бунгача барча рақибларини муддатидан аввал нокаут билан ютиб келганди.

“Big Uzbek”нинг бўлажак рақиби Жанмарко Кардилло эса профессионал боксда 15 та жанг ўтказиб, уларнинг 12 тасида ғалаба қозонган. Битта жангда мағлуб бўлган, яна иккита жангида эса дуранг қайд этилган.