ТИВ Эрон ва Исроилдаги ўзбекистонликларни огоҳлантирди

Ташқи ишлар вазирлиги ватандошларга хавфсизлик бўйича тавсияларни берди.

Фото: Getty Images

Яқин Шарқда тобора кескинлашаётган ҳарбий-сиёсий вазият муносабати билан, Ўзбекистон Республикаси Ташқи ишлар вазирлиги Эрон ва Исроилдаги ўзбекистонликларга қуйидагиларни қатъий тавсия қилди:

- Ҳарбий ва бошқа давлат объектларига яқинлашмаслик, уларни фото ва видео суратга олмаслик;

- Одамлар кўп тўпланадиган жойлардан йироқда бўлиш;

- Маҳаллий ҳукумат органлари томонидан берилаётган кўрсатмаларга сўзсиз риоя қилиш, зарурат туғилганда махсус бошпаналарга ёки хавфсиз жойларга йўл олиш.

ТИВ зарурат туғилганда Ўзбекистоннинг Эрон ва Исроилдаги дипломатик ваколатхоналари билан боғланишни сўради.

Тайёрлаган Сардор Юсупов

#Эрон #ТИВ #Исроил

2025 йил 13 июнга ўтар кечаси Исроил Эроннинг ҳарбий ва ядровий объектларига зарбалар беришни бошлади. Бунга жавобан Теҳрон Исроил устидан бомбалар ёғдирди. 12 кун давом этган уруш, АҚШнинг Эрон ядро объектларига ҳужум қилиши билан якунланди.