Полшанинг машҳур кийим-кечак бренди Ўзбекистонда биринчи дўконини очади

Полшанинг оммабоп propertynews.pl электрон порталида "Полша мода гиганти экзотик бозорни ўзлаштирмоқда: 20 дан ортиқ дўкон очилиши режалаштирилган" сарлавҳали мақола чоп этилди.

Фото: Damian Lemański/Bloomberg

Унда Польшанинг кийим-кечак ишлаб чиқаришга ихтисослашган LPP компанияси ўз фаолиятини Марказий Осиёда жадал кенгайтиришни режалаштираётгани ҳақида сўз боради.

"2025 йил август ойида Ўзбекистонда Sinsay брендининг биринчи дўкони очилса, йил охирига келиб эса уларнинг сони 20 тадан ошиши кутиляпти. Бу компаниянинг минтақада изчил ривожланишга қаратилган стратегиясининг бир қисмидир", – дейилган материалда.

Таъкидланишича, Полша компанияси Озарбойжон ва Гуржистон бозорларига ҳам киришга тайёрланмоқда. Компания 2025 йилнинг учинчи чорагида ушбу мамлакатларда ҳам ўз шохобчаларини очишга муваффақ бўлган. Қозоғистонда эса LPP 60 га яқин янги дўкон очишни режалаштирган.

"Компания вакилларига кўра, Марказий Осиёдаги истеъмолчилар нархларга нисбатан сезгирроқ ва аҳолининг катта қисми ҳали ҳам бозорлардан харид қилишини афзал кўради. Шу сабабли, Sinsay'нинг ушбу минтақадаги стратегияси аввалам бор ҳамёнбопликка ва нафақат йирик шаҳарлар марказларида, балки кичик ҳудудларда ҳам мавжуд бўлишга йўналтирилади", – деб ёзилган мақолада.