ЕИ Трамп билан келишувни «энг яхши вариант» деб ҳисоблаяпти

Европа Иттифоқи Қўшма Штатлар билан Европа Иттифоқидан АҚШга импорт қилинадиган товарларга 15 фоизлик бож тўлаш кенг қамровли бўлиши ҳақида келишиб олди. Бу ҳақда Европа Иттифоқининг юқори мартабали мулозимига таяниб, Reuters агентлиги хабар берди.

Бу ставка кенг миқёсда Европа Иттифоқи экспортига, пўлат ва алюминийдан ташқари, шунингдек, автомобиллар ва уларнинг қисмларига — квоталар ва чекловларсиз қўлланади.

«Бизнинг келишувимиз энг яхши вариант», деб ишонтирди Европа Иттифоқи расмийси ва блокнинг 27 давлати 15 фоиз ставкадан мамнун эмаслигини, аммо Вашингтоннинг бошқа давлатлар билан тузган келишувлари билан солиштирганда уни муваффақиятли деб ҳисоблашини қўшимча қилди.

Ҳозирда фармацевтика препаратлари ва яримўтказгичлар божлари нолга тенг, аммо агар АҚШ таҳлил натижаларига кўра уларга божлар жорий этишга қарор қилса, улар 15 фоизлик чегарани бузмайди.