АҚШ вице-президенти: “Украинанинг урушини молиялаштиришдан чарчадик”

Жей Ди Вэнс диққатни низони тинч йўл билан ҳал қилишга қаратишга чақирди.

Фото: Getty images

АҚШ вице-президенти Жей Ди Вэнс Украинани Россия билан урушда молиялаштиришни тўхтатиш ва диққатни минтақада тинчлик ўрнатиш йўлларини излашга қаратиш кераклигини айтди.

“Биз Украинанинг урушини молиялаштиришдан чарчадик. Тинчлик ўрнатиш вақти келди”, — деди Вэнс Fox News эфирида.

У америкаликларнинг тўлаган солиқлари урушни қўллаб-қувватлашга сарфланаётганидан норозиликлари кучайиб бораётганини қайд этди.

Вэнс бу масалада Европа мамлакатларини кўпроқ масъулиятни зиммаларига олишга чақирди.

У Буюк Британияга ташрифи чоғида бу мавзуни кўтарганини эслатиб ўтди.

“Биз европаликларга анқ-равшан айтдик: бу уруш сизларнинг остонангизда. Агарда бу низони устувор деб ҳисобласангиз сизлар кўпроқ ташаббус кўрсатишингиз ва кўпроқ маблағ ажратишингиз керак”, — деди АҚШ вице-президенти.

#Украина #Россия #Жей Ди Вэнс

Kun.uz янгиликларини Google News'да кузатинг

+ Обуна бўлиш