Рубио АҚШ Россияга қарши санкцияларни сақлаб қолишини айтди

У шунингдек, Украина бўйича келишувга эришилмаган тақдирда янги санкциялар киритилиши мумкинлигини билдирди.

Фото: Getty Imagеs

АҚШ Россияга қарши ҳозирги санкцияларни сақлаб қолади ва агар томонлар келишувга эришмайдиган бўлса, янги санкциялар жорий этиши мумкин, деди АҚШ давлат котиби Марко Рубио.

"Агар келишувга эришмасак, амалдаги ва янги санкциялар кўринишидаги оқибатлар юзага келиши мумкин", - деди у NBC телеканалига берган интервюсида.

"Биз ҳеч бир санкцияни бекор қилмадик", - деб таъкидлади АҚШ давлат котиби.

Рубионинг қўшимча қилишича, шундоқ ҳам санкциялар остида бўлган Россияга нисбатан янги санкциялар киритиш уни ўт очишни тўхтатишга мажбур қилолмайди. Унинг фикрича, янги санкциялар жорий этиш узоқ муддатли тинчлик келишувига эришиш йўлидаги ҳаракатларга мос келмайди.

Тайёрлаган: Kun.uz Admin

#санкция #Марко Рубио