Самарқандда қуриб қолган 2 минг туп дарахтга масъул шахс жазоланди

Самарқанд вилояти, Нарпай туманида 2 минг туп теракнинг қуриб қолишига сабабчи бўлган масъул жавобгарликка тортилди. Бу ҳақда Экология бошқармаси хабар берди.

Қайд қилинишича, дарахтлар 2024 йилда, «Йўллардан фойдаланиш» корхонасига тегишли бўлган ҳудудда «Яшил макон» умуммиллий лойиҳаси доирасида экилган. Аммо «корхона масъуллари эътиборсизлик қилиши оқибатида» сувсизликдан қуриб, нобуд бўлган.

Ҳудудга бириктирилган масъул Б.И. жорий йил 23 апрель куни Маъмурий жавобгарлик тўғрисидаги кодекснинг 79-моддаси 4-қисми билан жазоланиб, БҲМ 10 баробари (3,72 млн сўм) миқдорида жарима қўлланган ва табиатга етказилган зарар миқдори аниқланиб, тегишли ҳужжатлар қонуний баҳо бериш учун ҳуқуқни муҳофаза қилувчи органларга тақдим этилган.

Якуний қарор қандай бўлгани ҳақида маълумот берилмади.