“1,5 млн сўмгача кетяпти” — мактаб бозоридан сўровнома

Ўзбекистонда янги ўқув йили бошланишига саноқли кунлар қолди. Бозор эса харидорлар билан гавжум. Боиси кўпчилик фарзандини мактабга тайёрлаш билан овора. Хўш, ота-оналар фарзандининг мактаб формаси, ўқув қуролларига қанча маблағ сарфлаяпти? Kun.uz мухбири Тошкент шаҳрида кичик сўровнома ўтказди.

{Yii::t(}

Ўтказиб юбориш 6s

Ўтказиб юбориш

Респондентларга кўра, кийим-кечак ва ўқув қуроллари учун бир нафар болага ўртача 1 млн 200 минг сўм кетмоқда.

“Икки нафар фарзандимга 2 миллион олиб келдим. Ўтган йили 1,2 млн сўм кетганди. Энди буларнинг олдинги йилги кийимлари борлигини ҳисобга олиб, баъзиларини (кийим) сотиб олмаяпман. Нарх-наволар ўтган йилгидан қимматроқ барибир. Фарзандларимга, ўзимнинг талабимдан келиб чиқиб, Туркия ва Хитой маҳсулотларини олиб бераман”, – дейди суҳбатдош.

Айрим ота-оналар бир нафар фарзандининг кийимига 1,5 млн сўмгача пул сарфлаганини, ўқув қуролларига қўшимча маблағ талаб этилишини билдирди.

“Икки нафар болага 3 миллион сўм кетди. Ўқув қуроллари алоҳида олиняпти. Бунга 1,5 млн сўм ажратдим. Нарх ўтган йилга нисбатан сал қимматлаган”, – дейди респондентлардан бири.