Қўшимча функционаллар
-
Тунги кўриниш
«Кўнгиллилар коалицияси» Украина учун кафолатларни муҳокама қилади
Киев учун хавфсизлик кафолатларидан ташқари, 30 давлат вакиллари Украинадаги урушни тугатиш имкониятларини муҳокама қилади. ОАВ хабарига кўра, учрашувда Володимир Зеленский иштирок этади.
4 сентябр, пайшанба куни Францияда «Кўнгиллилар коалицияси» доирасида 30 га яқин давлат вакиллари иштирокида Украинадаги урушни тугатиш бўйича кейинги ҳаракатлар ва Киев учун урушдан кейинги хавфсизлик кафолатларига бағишланган учрашув бўлиб ўтади. Бундан ташқари, президент Эммануэл Макроннинг эълон қилинган баёнотида айтилишича, «Россиянинг тинчлик ўрнатишдан қатъий бош тортиши оқибатларини таҳлил қилиш» режалаштирилмоқда.
Елисей саройининг хабар беришича, учрашув гибрид форматда ўтказилади, яъни баъзи иштирокчилар Парижда жисмонан ҳозир бўлади, бошқалари эса уларга онлайн қўшилади. Унга Макрон ва Буюк Британия бош вазири Кир Стармер раислик қилади. AFP агентлиги ва "Суспiльне" телеканалига кўра, Украина президенти Володимир Зеленский ўша куни Европа етакчилари билан учрашиш учун Парижга келади.
Германия ҳукумати ҳозирча журналистларга Германия канцлери Фридрих Мерц режалаштирилган саммитда иштирок этадими ёки йўқми, иштирок этса, қандай форматда қатнашиши ҳақида маълумот бера олмади.
