Германия Украинада узоқ масофали дронлар ишлаб чиқаришни молиялаштиради

Германия Украина Қуролли кучлари учун узоқ масофага учувчи Украина дронларини сотиб олишга 300 миллион евро ажратди, деди Борис Писториус. Шунингдек, у Берлин аллақачон иккита Patriot тизимининг дастлабки учириш қурилмаларини Киевга топширганини айтди.

Фото: Bernd von Jutrczenka/dpa/picture alliance

Германия мудофаа вазири Борис Писториус Украина қуролли кучларининг узоқ масофали зарбалар бериш имкониятларини кенгайтиришга қаратилган янги ташаббус бошланганини эълон қилди. «Ушбу ташаббус доирасида биз Украина компаниялари билан умумий қиймати 300 миллион еврога бир қатор шартномалар тузмоқдамиз», — деди у 9 сентябр, сешанба куни Лондонда Украина мудофааси бўйича ("Рамштайн" формати) алоқа гуруҳи йиғилишида.

Писториуснинг сўзларига кўра, шартномалар Украинада ишлаб чиқарилган «бир неча минг турли хилдаги узоқ масофали учувчисиз учоқларни» етказиб беришни назарда тутади, улар мослашувчан ва етказиб бериш ҳажмини ошириш имкониятини ўз ичига олади. Вазир барча ҳамкорларни ушбу ташаббусга қўшилишга чақирди, унинг мақсади Украинанинг «Россия ҳарбий машинасини заифлаштириш» қобилиятини кучайтиришдир.

Учрашув давомида Писториус, шунингдек, Германия Украинага Берлин Киевга етказиб беришни ваъда қилган иккита Patriot зенит-ракета комплексининг биринчи учириш мосламаларини топширганини маълум қилди.