Америка банки Ўзбекистон банк-молия секторини ривожлантирмоқчи 

Ўзбекистон президенти Шавкат Мирзиёев Ню-Йорк шаҳрига ташрифининг ишбилармонлик дастури доирасида BNY компанияси бош тижорат директори Катинка Валстром билан учрашув ўтказди.

BNY - активларни бошқариш, қимматли қоғозларни сақлаш ва уларга хизмат кўрсатиш, давлат ва хусусий молиялаштириш каби кенг турдаги молиявий хизматларни тақдим этувчи Американинг етакчи банк-инвестиция гуруҳидир.

Банкнинг Ўзбекистон йирик корхоналарининг еврооблигацияларини чиқариш ва жойлаштиришга кўмаклашиш, шунингдек, Ўзбекистон банк-молия секторини ривожлантириш борасидаги режалари қўллаб-қувватланди.