Дунёдаги энг узун дарё тизимлари маълум қилинди

Дунёдаги энг узун дарёлар тизими Нил – Оқ Нил – Кагера – Нябаронго – Мвого – Рукарара ҳисобланади. У Африканинг 11 мамлакатидан оқиб ўтади ва узунлиги 6650 километрни ташкил қилади. Дарё тизими охир-оқибат Ўрта Ер денгизига қуйилади.

Иккинчи ўрин Жанубий Америкада жойлашган дарё тизимига тўғри келади: Амазонка-Укаяли-Тамбо-Эне-Мантаро. У етти давлат орқали 6400 километрга чўзилган.

Учинчи ўринда Хитойда жойлашган ва Шарқий Хитой денгизига қуйиладиган Янцзи–Цзинша–Тунтян–Дангцю дарёси тизими. Унинг узунлиги 6300 км.

Кейинги ўринда Миссисипи — Миссури — Жефферсон — Биверхед — Ред-Рок — Ҳелл-Роринг дарёси тизими. Деярли бутун дарё тизими Америка Қўшма Штатлари орқали ўтади. Мексика кўрфазига қуйиладиган дарё тизимининг узунлиги 6275 километрни ташкил қилади.

Енисей-Ангара-Селенга-Идер дарёси тизими деярли бутунлай Россияда, кичик қисми Мўғулистонда жойлашган. Ушбу тизим узунлиги 5539 километрни ташкил этади ва Қора денгизга қуйилади.

Кейинги ўринларда Хуанхэ (5464 км), Об–Иртиш (5410 км), Ла-Плата–Парана–Рио Гранде (4880 км), Конго–Луалаба–Лувуа–Луапула–Чамбеши (4700 км) ва Амур–Аргун (4444 км) бор.

Топ-15 дарёлар тизимига Лена (4400 км), Меконг (4350 км), Маккензи-Слейв-Пис-Финлей (4241 км), Нигер (4200 км) ва Браҳмапутра-Ярлунг Цангпо (3969 км) ҳам киради.

Энг кўп узун дарё тизимлари Осиёда - саккизта. Австралия ёки Европада жойлашган биронта ҳам дарё тизими биринчи 15 таликка кирмаган. Австралиянинг энг узун дарё тизими – Муррей-Дарлинг-Калга-Балонн-Кондамин 3672 километр билан 16-ўринни эгаллаган. Европадаги энг узун дарё тизими Волга бўлиб, Россияда 3645 километр узунликда жойлашган. У 18-ўринни эгаллади.