Қўшимча функционаллар
-
Тунги кўриниш
Эрон ва Россия янги АЭС бўйича 25 млрд долларлик келишув имзолади
Теҳрон ва Москва Эрон жанубида ҳар бири тахминан 1255 МВт қувватга эга тўртта учинчи авлод атом электр станцияси энергоблокларини қуришга келишиб олди, деб хабар қилди Теҳрон.
Теҳрон ва Москва Эронда янги атом энергетика блокларини қуриш бўйича келишув имзолади. Ҳужжат БМТнинг Ислом Республикасига қарши санкциялари қайта тикланиши мумкин бўлган муддат тугашидан бир кун олдин қабул қилинган. Бу ҳақда 26 сентябр, жума куни Эрон Атом энергияси ташкилоти (ЭАЭТ) маълум қилди.
Шартнома Эроннинг Iran Hormoz компанияси ва "Росатом" давлат корпорациясининг шуъба корхонаси "Русатом Энерджи Проджектс" ўртасида имзоланган. AFP хабарига кўра, келишув қиймати 25 миллиард долларни (21 миллиард евро) ташкил этади.
Лойиҳа ҳар бири тахминан 1255 МВт қувватга эга бўлган тўртта учинчи авлод атом электр станцияси (АЭС) энергоблокларини ўз ичига олади. Умумий қувват 5020 МВтни ташкил қилади.
Лойиҳа Хормозган ва Эрон жанубидаги Сирик порти ҳудудида 500 гектар майдонда амалга оширилади. ЭАЭТ маълумотларига кўра, майдончани танлаш тугалланди ҳамда муҳандислик ва экологик тадқиқотлар якунланди.
"Росатом" ҳозирча маълумотга изоҳ бермади.
Мавзуга оид
09:59
«Apache» вертолётини Эрон дрони уриб туширгани маълум бўлди. АҚШ ва Эрон яна зарбалар алмашди
09:13 / 09.06.2026
«Биби, эҳтиёт бўл, акс ҳолда мутлақо ёлғиз қоласан» – Трампнинг чақириқлардан кейин Исроил ва Эрон тўхтади
08:45 / 09.06.2026
Украина Россияни БМТдан чиқиш ҳақида ўйлаб кўришга чақирди
22:09 / 08.06.2026