Тошкентда Cobalt пиёдалар йўлагидан ўтаётган фуқарони уриб юборди

27 сентябрь куни Тошкент шаҳар Юнусобод туманида Cobalt пиёдалар йўлагидан ўтаётган пиёдани уриб кетди. Бу ҳақда пойтахт Йўл ҳаракати хавфсизлиги бошқармаси хабар берди.

Қайд этилишича, соат 18:30 да Юнусобод тумани Амир Темур кўчасида 1988 йилда туғилган Ф.Р. Cobalt русумли автомашинасини бошқариб кетаётиб, тартибга солинмаган пиёдалар йўлагидан ўтаётган пиёдани уриб юборган.

Пиёдага шифокорлар томонидан биринчи тез тиббий ёрдам кўрсатилган.

Мазкур ҳолат юзасидан Тошкент шаҳар ИИББ ЙҲХБ томонидан терговга қадар суриштирув ишлари олиб борилмоқда.