Маск Википедияга «уруш» эълон қилди

У ўзининг сунъий интеллекти асосида «Грокипедия» яратмоқчи.

Фото: Getty images

Илон Маск ўзининг xAI сунъий интеллект компанияси Грокипедия лойиҳаси устида ишлаётганини маълум қилди - бу янги билим платформаси бўлиб, буни Википедияга нисбатан «сезиларли яхшиланиш» деб атади.

Маск сўзларига кўра, Грокипедия xAI компаниясининг янада улкан вазифаси - «коинотни идрок қилиш»нинг бир қисмига айланиши керак. Унинг фикрича, янги платформа манбаларга кенгроқ кириш ва эркин ахборот алмашинувини таъминлайди.

Маскнинг фикрича, мақолаларни жамоавий таҳрирлаш ва фойдаланувчилар томонидан текшириш тамойили асосида ишлайдиган Википедия «сиёсий тарафкаш». Унинг таъкидлашича, энциклопедия объектив эмас ва «сўл сиёсий йўналишга эга».

Аввалроқ Grok чатботи антисемит баёнотлари туфайли жанжал марказида бўлган эди, бўлғуси энциклопедия айнан унинг номидан илҳомланган. Маскнинг компанияси бунга дастурлашдаги хато сабаб бўлганини маълум қилди.

Шунингдек, фойдаланувчилар бот Маскнинг қарашларини акс эттиришини ва баҳсли масалалар бўйича кўпинча аввал у нима деганини «аниқлаштиришини» бир неча бор таъкидлаган. Маскнинг ўзи вақти-вақти билан Grok жавобларидан норози бўлади ва уни тўғри хулоса чиқариши учун «созлаб қўйишга» ваъда беради.

Тайёрлаган: Сардор Юсупов

#Илон Маск #Википедия #Грокипедия