Япония элчиси Ўзбекистондаги дипломатик миссиясини якунлаяпти

Такаши Ҳатори 2023 йил 12 апрел куни Ўзбекистон президентига Япония элчиси сифатида ишонч ёрлиқларини топширган эди.

Фото: Telegram / bakhtiyor_saidov

Ўзбекистон ташқи ишлар вазири Бахтиёр Саидов мамлакатдаги дипломатик миссиясини якунлаётган Япония элчиси Такаши Ҳаторини қабул қилди.

"Мамлакатимизда ўз фаолиятини якунлаётган Япониянинг Ўзбекистондаги элчиси Такаши Ҳатори жаноблари билан учрашдик, – деб ёзди Ўзбекистон ТИВ раҳбари. – Ўзбекистон-Япония стратегик шериклик алоқалари мустаҳкамланиб, савдо, инвестиция, таълим, маданият ва бошқа соҳаларда амалий ҳамкорлик кенгайиб бораётганини қайд этдик. Жаноб элчининг келгуси фаолиятида муваффақиятлар тилаймиз".

Такаши Ҳатори 2023 йил 12 апрел куни Ўзбекистон президенти Шавкат Мирзиёевга Япониянинг мамлакатдаги элчиси сифатида ишонч ёрлиқларини топширган эди.