Қўшимча функционаллар
-
Тунги кўриниш
Трамп: Агар уруш ҳал этилмаса, Киевга Tomahawk'ни беришим мумкин
Доналд Трамп агар Россия Украинадаги урушни тинч йўл билан ҳал қилишдан бош тортса, Киев Tomahawk қанотли ракеталарини олиши мумкинлигини айтди. АҚШ президенти бу чора «агрессиядаги янги қадам» бўлиши мумкинлигини таъкидлади.
Фото: Getty Imagеs
Агар Россия Украинага қарши тажовузкор урушни тинч йўл билан ҳал қилишдан бош тортса, Киев Американинг Tomahawk қанотли ракеталарини олиши мумкин, деди АҚШ президенти Доналд Трамп 13 октябр, душанбага ўтар кечаси Air Force One бортида. Унинг аниқлик киритишича, 11 ва 12 октябр кунлари Украина президенти Володимир Зеленский билан бу масалани муҳокама қилган ва бу чора «тажовузкорликнинг янги қадами» бўлиши мумкинлигидан огоҳлантирган.
«Балки россияликлар билан Tomahawk ҳақида гаплашишим керакдир. Улар Tomahawk ўзи томон учишини хоҳлайдими? Мен бундай деб ўйламайман», — деди Трамп.
Унинг қўшимча қилишича, Россия президенти Владимир Путинни бу эҳтимол ҳақида огоҳлантиришни режалаштирмоқда. «Мен айтишим мумкин: «Мана, агар бу уруш ҳал этилмаса, мен уларга Tomahawk юбораман», — деди Трамп. Унинг тушунтиришича, агар қарор қабул қилинса, АҚШ ракеталарни тўғридан тўғри Украинага эмас, балки уларни Киевга топшириши мумкин бўлган НАТО мамлакатларига сотади.
«Tomahawk — ақлбовар қилмайдиган қурол, жуда ҳужумкор қурол. Очиғини айтсам, бу Россияга керак эмас. Мен уларга айтишим мумкинки, агар бу уруш ҳал этилмаса, биз буни ҳал қиламиз. Биз буни қилмаслигимиз ёки қилишимиз мумкин», дея қўшимча қилди республикачи.
